CONCURSO VERMES DE SEDA

Seguro que xa sabes moitas cousas dos vermes de seda.

Zampalibros quere que lle axudes a buscar información.

Sabes a resposta a estas preguntas? Anímate a cubrir a ficha. Podes conseguila na biblioteca ou pedirlla ao teu profe. Cando a teñas cuberta entrégaa na biblio, iso si, antes do 31 de maio.

Zampalibros sorteará un regalo entre todos os que contestedes correctamente ás preguntas.

NORMAS DA BAIABIBLIO

Zampalibros quere recordarche as normas da biblioteca. Podes velas na porta do material.

 Recorda:

- Toma a merenda antes de entrar.
- Fala baixiño e non corras.
- Respecta e coida o material.
- Podes vir á biblioteca a ler, buscar información nos ordenadores ou nos libros, a estudar...

DÍA DO LIBRO

Hoxe, 23 de abril, celébrase en moitos países o DÍA DO LIBRO.
No noso cole decoramos a entrada para conmemorar esta data

Ademais os nenos/as de todos os cursos podedes cubrir esta ficha de datos dun libro dos expostos na entrada ou doutro calquera que vos guste (podes pedirlla ao teu profe ou na biblioteca). Coas fichas que nos entreguedes faremos un álbum chulísimo.

AXUDANTES DE BIBLIOTECA

Ata agora non falaramos deles no blogue aínda que todos/as sabedes quen son:

OS AXUDANTES DA BAIABIBLIO

Estes rapaces/as decidiron, no mes de decembro, axudar aos profes un día á semana durante o recreo para facer os préstamos, colocar libros, axudar aos máis pequenos...
Estas son as súas funcións:

Temos que decir que, ademais destas tarefas, que non son poucas, os axudantes de biblio están traballando moitíiiiiiiisimo na reorganización da biblioteca e os profes estamos moi agradecidos.
GRACIAS!!!

OS NOVOS AMIGOS DE ZAMPALIBROS

A nosa amiga Zampalibros ten uns invitados especiais na Baiabilio: VERMES DE SEDA!!!
Zampalibros necesita a nosa axuda para descubrir como coidar a estes amiguiños: de que se alimentan, canto dura cada ciclo da súa vida, que ocorre cando forman o casulo...
Estás disposto a axudarlle??

Na biblio deixamos unha carpeta na que iremos xuntado a información que entre todos/as atopemos.

Nos seguintes enlaces podes atopar información e actividades sobre os vermes de seda.

RECITAL DE POESÍA

Durante o mes de marzo, mes da poesía, cada curso recitou un poema de Rosalía de Castro.

E aquí están os resultados!

INFANTIL

PRIMEIRO






SEGUNDO




  TERCEIRO





CUARTO





SEXTO

SEMINARIO DE FORMACIÓN. ANIMACIÓN Á LECTURA.

Durante o presente curso 2014/2015, algúns mestres/as do centro estamos a realizar, entre outras actividades de formación relacionadas coa biblioteca escolar, un seminario de animación á lectura.

A principios deste curso surxiu, entre os membros do equipo, a necesidade de levar a cabo algún cambio na nosa biblioteca: organización, actividades de formación de usuarios, actividades de dinamización, etc.

Por iso solicitamos un seminario de formación no que puidemos contar coas ponencias de persoas con gran experiencia en bibliotecas escolares como Dolores Iglesias do CEIP de Cespón ou Covadonga Rodríguez do CEP Brea Segade, ademais da grande axuda da asesora de bibliotecas escolares do CAFI, Leonor Mazaira, que nos proporcionou ideas, materiais, e, sobre todo, ganas de aprender, de traballar e de facer ben as cousas.

A través deste blog  irémosvos informando dos cambios realizados na Baiabiblio e das novas actividades e materiais dos que dispoñemos na biblioteca.

JUAN CÓNTANOS "VERLIOKA"

E o luns, 23 de marzo, acompañaranos na biblioteca Juan Manuel, para contarnos un dos seus contos favoritos: VERLIOKA.

Esperámosvos!!

NOVIDADES

Na entrada da Baiabiblio están expostos os libros novos. De momento non os podes levar para ler na casa, pero si podes miralos na biblioteca.

MARZO, MES DA POESÍA.

Este ano, na Baiabiblio, queremos adicar o mes da poesía a ROSALÍA DE CASTRO.
E que mellor maneira que facendo un agasallo a esta gran poetisa.
Estamos elaborando un mural no que colocar caligramas baseados nos seus poemas.
E que é un caligrama?

 Un caligrama é unha composición poética que debuxa, mediante a escritura, o tema do poema.

Como mostra, estes elaborados polos nen@s de 6º.

Ou este dos nenos/as de 3ºC:

Esperamos os vosos caligramas!!

E non olvides visitar a exposición de libros de poesía da nosa biblio. 

A NOSA MASCOTA

E a mascota gañadora é ...

Gracias, Irene, polo teu traballo.
NORABOA!!

ANTÍA CÓNTANOS UN CONTO

Como todos os luns, o día 2 de marzo, teremos contacontos no recreo.
Estará con nós Antía para lernos "A bruxa regañadentes"

CONCURSO DE MASCOTA

Unha biblioteca sen mascota? Non pode ser!!
A Baiabiblio convoca un concurso para elixir á mascota que nos acompañará en todas as nosas aventuras.
E neste cole hai moi bos debuxantes... Atrévete co teu debuxo.
Non o esquezas: tamaño folio, un nome en galego e con bonitas cores.

O COELLIÑO BRANCO

Carlota tamén se anima a contarnos un conto.

Non o olvides, ven o luns 23 de febreiro á biblioteca no recreo. Carlota contaranos "O coelliño branco".

O OSO E O CORVO

Aquí tedes o video da historia que nos contou Alba.
Estaba un pouco nerviosa, pero tanto ela como os nenos e maiores que estabamos na biblioteca o pasamos xenial.

CONTACONTOS

Hoxe estamos de estrea: botamos a andar o noso blog da biblio. E que mellor maneira de celebralo que cun contacontos.
O vindeiro luns 9 de febreiro, Alba nos acompañará no recreo para contarnos o conto:

"O OSO E O CORVO"

Esperámosvos