Deixamos por aquí unha pequena mostra doutro obradoiro de nadal, no que colaboraron dúas avoas de alumnado de 5º de Educación Primaria, ás que lles damos as grazas pola súa participación.
Con elas, os rapaces e rapazas a confeccionar un Papá Noel con la. Trátase dnha actividade simple e amena, pero tamén moi interesante, xa que con ela se fomenta a aprendizaxe interxeracional, poñendo en valor o coñecemento e a experiencia das persoas maiores como fonte de aprendizaxe viva, transmitindo saberes, tradicións e formas de facer que non sempre aparecen nos libros.
O alumnado aprende a escoitar, respectar e valorar outras xeracións, desenvolvendo competencias sociais e cívicas, mentres que a biblioteca se converte unha vez máis nun espazo de encontro e convivencia, que abre a escola ás familias e á comunidade, converténdose nesta ocasión nun lugar onde o Nadal se aprende, se sente e se comparte.
No hay comentarios:
Publicar un comentario