Á volta de Semana Santa, decataríaste ao pasear polos nosos corredores que ben podería parecer que estás a piques de sentar á mesa co Sombrereiro Tolo...
Grazas á colaboración do alumnado e das familias, o noso colexio transformouse nun auténtico escenario do País das Marabillas. As cuncas e teteiras que o alumnado levou para decorar na súa casa xa están de volta e locen espectaculares nas nosas paredes, tanto en infantil como en primaria.
Cada unha delas garda un segredo: están cheas de versos, rimas e moita cor! Este "banquete literario" que propuxemos serve para recordarnos que:
- A poesía pode servirse en calquera recipiente.
- A creatividade do noso alumnado non ten límites.
- Os corredores agora non só se percorren, lense!
Moitísimas grazas por participar nesta actvidade tan especial para
conmemorar o Mes da Poesía. Con cada cunca e teteira decorada, fixestes que o
camiño cara ás aulas sexa un pouco máis máxico e poético.
Non esquezades parar un segundo para ler as rimas que agochan!
No hay comentarios:
Publicar un comentario